dil ki ho dil se mulaqat bahut mushkil hai
aur sab sahl hai ye baat bahut mushkil hai
ishq valon ki to davat hai junun se mumkin
husn valon ki mudarat bahut mushkil hai
bazm-e-fitrat ke bhi aa.iin kahin badle hain
sab ke mabain musavat bahut mushkil hai
jeb ḳhali ho to ik lamha bhi hota hai pahaḌ
muflisi men basar-auqat bahut mushkil hai
hadiya-e-gham hain ‘munavar’ mire dil ke TukḌe
koi Thukra.e ye saughat bahut mushkil hai
Leave a Reply