Iqbal Khawar
tum jahan the vahan ke the hi nahin
ya.ani tum is jahan ke the hi nahin
kaise uljhe hain kar-e-duniya men
ham jo sud-o-ziyan ke the hi nahin
main to ik vahshat-e-digar men tha
mas.ale jism-o-jan ke the hi nahin
dasht-e-jan se nigah-e-yar talak
raste darmiyan ke the hi nahin
kyuun miri dastan ka hissa hain
jo miri dastan ke the hi nahin
ḳhvab be-barg-o-bar kaise hue
jab ki ye din ḳhizan ke the hi nahin
Leave a Reply