mujhe naql par bhi itna agar iḳhtiyar hota
kabhi fail imtihan men na main baar baar hota
jo main fail ho gaya to sabhi de rahe hain ta.ane
koi dil-navaz hota koi gham-gusar hota
mujhe aaj itni nafrat se na dekhti ye duniya
jo paḌha.i se zara bhi mire dil ko pyaar hota
mire master na hote jo ulum-o-fan men daana
kabhi maula-baḳhsh-sahab ka na main shikar hota
vo paḌhate vaqt darje men hazar baar barse
jo mujhe bhi chhi.k aati unhen nagavar hota
na main tandurust hota na kabhi schōl jaata
kabhi sar men dard rahta to kabhi buḳhar hota
kabhi madrase men aata koi aisa chaaT vaala
ki jo muft men khilata na kabhi udhar hota
ye gadha jo apni ghaflat se hai bevaquf itna
jo ye ḳhud ko jaan jaata baḌa hoshiyar hota
tire ghar men ‘kaif’ tera koi qadr-dan nahin hai
jo vatan se duur hota to baḌa vaqar hota
Leave a Reply