Flash-Back

Abu Bakr Abbad

baad ik arse ke jab us ko qarar aaya

havas-e-muntashir ko mujtama karne ka vaqt aaya

khayal aaya na kyuun ham aisa karte hain

razm-gah-e-zindagi men phir palatte hain

dekh to len kya hua tha harim harim-e-naz men

ishq ke asrar men jazbat ke iz.har men

al-ajab va-hairata kaisa yahan hai moamla

rida-e-iffat-o-ismat use jis shakhs ne di thi

usi ki ankhon men aur qalb men nashtar chubhoti hai

ki us bakhshi hui chadar ke parde men

vo apne jism ka aur husn ka jaadu jagati hai

harim-e-naz ko bad-zaton se abad karti hai