Farrukh Zohra Gilani
baḌa ajnabi sa saval hai koi ajnabi sa javab de
tire baad shahar-e-guman men hai ghubar kaisa javab de
meri tira-baḳhti ki sej par teri aarzu ka malal hai
mujhe chahaton ki amaan de mujhe raushni ka javab de
tire vasl ki jo naved ho mire roz-o-shab ki bhi ahd ho
mire dushman-e-rag-e-jan ko gul-e-tar men mahka javab de
mire ham safiro azaab key ye ghaḌi hai garche bahut kaḌi
magar apne apne bachao men kuchh aap apna javab de
mire dil men teri vafaon ke hain sabhi charagh bujhe hue
teri aankh se miri niind ka koi ḳhvab TuuTa javab de
Leave a Reply