Sayeda Fatima Rizvi
qarar dil ko mila tere muskurane se
bani thi jaan pe miri tere ruuTh jaane se
tasalli jhuTi na de dil men kya hai ye kah de
ye ḳhvab lamhe chura vaqt ke ḳhazane se
sunahri ghaḌiyan bhi aḳhir to biit jaati hain
ye qaid hongi faqat lab pe baat aane se
ye rangin sub.h chaman-dar-chaman hain khilte phuul
tu aa gaya to hue din bhi ye suhane se
koi to ‘fatima’ sun le jo ap-biti hai
sabaq milega unhen mere is fasane se
Leave a Reply