Dil Ki Har Baat Dhyan Mein Guzri

dil ki har baat dhyan men guzri

saari hasti guman men guzri

azal-e-dastan se is dam tak

jo bhi guzri ik aan men guzri

jism muddat tiri uqubat ki

ek ik lamha jaan men guzri

zindagi ka tha apna aish magar

sab ki sab imtihan men guzri

haae vo navak-e-guzarish-e-rang

jis ki jumbish kaman men guzri

vo gadai gali ajab thi ki vaan

apni ik an-ban men guzri

yuun to ham dam-ba-dam zamin pe rahe

umr sab asman men guzri

jo thi dil-taeron ki mohlat-e-bud

ta zamin vo udaan men guzri

buud to ik takan hai so khuda

teri bhi kya takan men guzri

Leave a Comment