Sari KHilqat Ek Taraf Thi Aur Diwana Ek Taraf

saarī ḳhilqat ek taraf thī aur divāna ek taraf

tere liye maiñ paañv pe apne jam ke khaḌā thā ek taraf

ek ik kar ke har manzil kī samt hī bhuul rahā thā maiñ

dhīre dhīre khīñch rahā thā terā rishta ek taraf

donoñ se maiñ bach kar tere ḳhvāb-o-ḳhayāl se guzar gayā

dil kā sahrā ek taraf thā aañkh kā dariyā ek taraf

aage aage bhaag rahā huuñ ab vo mere pīchhe hai

ik din terī chaah meñ kī thī maiñ ne duniyā ek taraf

dūsrī jānib ik bādal ne baḌh kar Dhāñp liyā thā chāñd

aur āñkhoñ meñ Duub rahā thā dil kā sitārā ek taraf

vaqt-juārī kī baiThak meñ jo aayā so haar gayā

‘aḳhtar’ ik din maiñ bhī dāman jhaaḌ ke niklā ek taraf

Leave a Comment