Poet
dil ke sukun ke vaste bhaTke kahan kahan
TuuTe hazar martaba bikhre kahan kahan
aḳhir to bah gaya miri ankhon se zaar zaar
ashkon ka abshar hai simTe kahan kahan
jab hadse hi hadse apna nasib hain
kis kis pe ro.e aankh ye barse kahan kahan
ḳhushbu hamari pa ke vo lauT aa.ega kabhi
barson isi umiid men mahke kahan kahan
aap aarzu ki shakl men kitne qarib hain
ham justuju men aap ki bhaTke kahan kahan
qismat hai saath agar to dua bhi hai pur-asar
varna kiye hain ham ne bhi sajde kahan kahan
Leave a Reply