bahr men sochti thi main tum ko
sher men Dhalti thi main tum ko
saare jag men talashna to alag
tum men bhi khojti thi main tum ko
muḳhtalif tum nahin the duniya se
muḳhtalif sochti thi main tum ko
kho ke mujh ko ye sochte ho na
kis qadar chahti thi main tum ko
mujh ko har gham navazne vaale
har ḳhushi saunpti thi main tum ko
tum achanak badal ga.e to khula
kitna kam janti thi main tum ko
saanp par paanv aa gaya mera
ḳhvab men dekhti thi main tum ko
aḳhirash tum ne maar Daala mujhe
zindagi manti thi main tum ko
Leave a Reply