Sama Kar Dil Mein Nazron Se Nihan Hai

sama kar dil men nazron se nihan hai

mujhe yaad aane vaale tu kahan hai

ḳhudai kahkashan kahti hai jis ko

vo azra ka ḳhiram-e-raegan hai

andhere badalon se puchh zahid

miri khoi hui tauba kahan hai

ye kis ne pyaar ki nazron se dekha

ki mere dil ki duniya phir javan hai

javani raegan jaae to achchha

javani ek ḳhvab-e-raegan hai

Leave a Comment