Shiv Om Misra Anvar
dil ke panne se nahin miTti ibarat un ki
ab bhi qaa.em hai mire dil men mohabbat un ki
log karte hain andheron men tijarat dekho
samne aati nahin ab to haqiqat un ki
phuul itrate hain Daali pe zara dekho to
ḳhuub bhati hai mire dil ko ziyarat un ki
yaad bhi zehn se phir duur bhala ho kaise
paas mujh ko jo bula leti hai qurbat un ki
jab se chehre pe paḌe vaqt ke thappaḌ ‘anvar’
badli badli si nazar aati hai surat un ki
Leave a Reply