Ankit Maurya
dil ke ḳhatir ye badan hai qaid-ḳhane ki tarah
so laga hai phaḌphaḌane ye parinde ki tarah
ho pari koi ya koi phuul hi ho kya hua
koi bhi pyara nahin hai us ke chehre ki tarah
chand hai jo asman men vo to hai us ki jabin
aur taare hain ye saare us ke jhumke ki tarah
dekhta hi kyuun na ja.un baiTh ke main bas use
us ka chehra hai hasin koi nazare ki tarah
kaTti hain ba.ad tere roz hi raten mujhe
yaad teri siine pe chalti hai aare ki tarah
ham in ankhon se use har roz paḌhte aa.e hain
vo badan to yaad hai do ke pahaḌe ki tarah
Leave a Reply