Rauf Raheem
dil ke bahlane ko dil men koi dilbar rakhna
aur begam ki nigahon se bacha kar rakhna
saare ahbab men bad-nam tumhen kar degi
apne ahval paḌosan se chhupa kar rakhna
kaam agar apna banana hai to phir is ke liye
haath men apne koi ek minister rakhna
gar kamana ho to degrē pe bharosa na karo
DugDugi haath men aur saath men bandar rakhna
duur tak naam ki tash.hir agar hai manzur
jaari tanqid adibon pe barabar rakhna
hon fasadat to apne ko chhupane ke liye
apne angan men koi peḌ tanavar rakhna
aam filmon ke tufail aaj hue love-latter
post office men ka.i ek kabutar rakhna
ghair mad.u ko kisi tarah na baḌhne denge
bazm-e-jauhar men qadam soch samajh kar rakhna
mas.ale kyuun na hon sangin se sangin ‘rahim’
qahqahe kal ke liye un ke uTha kar rakhna
Leave a Reply