Dil Kasu Se to Kya Lagana Tha

Poet

dil kasu se to kya lagana tha

ham ko manzur ji se jaana tha

astan tha vo astana-e-ishq

kaaT kar sar jahan chaḌhana tha

diid ko tere aa.e the ham yaan

zindagi ka faqat bahana tha

nikle vo aah apne dushman-e-jan

ham ne jin jin ko dost jaana tha

jis zamane men ham hue the ḳhalq

haa.e vo kya bura zamana tha

kyuun diya us pari ko dil tu ne

kya tu ai ‘muntazir’ divana tha