Iftikhar Haidar
bosa na de gale na laga haath mat mila
ai yar-e-ḳhush-jamal magar samne to aa
do chaar gaz ke fasle se muskura ke dekh
do chaar gaz ke fasle tak aa ke lauT ja
ya ghar men baiTh aur mujhe tasvir bhej de
fasl-e-vaba men vasl ka andaz hai juda
khiḌki se jhank jhank ke ḳhush ho ai ru-e-ḳhush
paT khol dekh dekh ke kuchh der muskura
guzren vaba ke din to baghal-gir hovenge
arman zabt kar ai mire yaar tham zara
Leave a Reply