jaun-eliya

Dil Jo Ek Jae Thi Duniya Hui Aabaad Usmein

dil jo ik jaae thi duniya hui abad us men

pahle sunte hain ki rahti thi koi yaad us men

vo jo tha apna guman aaj bahut yaad aaya

thi ajab rahat-e-azadi-e-ijad us men

ek hi to vo muhim thi jise sar karna tha

mujhe hasil na kisi ki hui imdad us men

ek khushbu men rahi mujh ko talash-e-khad-o-khal

rang faslen miri yaaro huiin barbad us men

bagh-e-jan se tu kabhi raat gae guzra hai

kahte hain raat men khelen hain pari-zad us men

dil-mohalle men ajab ek qafas tha yaaro

said ko chhod ke rahne laga sayyad us men

More Poems

Leave a Comment