Poet
dil iḳhtiyar men hai na jaan iḳhtiyar men
saaqi ne kya mila diya kaif-e-bahar men
the chaar din jo zindagi-e-musta.ar men
do aarzu men kaT ga.e do intizar men
saaqi ki ik nazar bhi agar ham pe paḌ ga.i
tauba ka ḳhuun kar ke rahenge bahar men
is but se kar ke zikr-e-vafa haa.e kya kiya
ik pech Daal di dil-e-be-e’tibar men
thi kis ki yaad aaj jo taḌpa ga.i hamen
ik huuk uTh rahi hai dil-e-be-qarar men
aghosh-e-chashm ko sabad-e-gul bana diya
ghunche jo khilkhila.e hujum-e-bahar men
ye bhi ada-e-naz thi vo bhi ada-e-naz
machlen jo shoḳhiyan nigah-e-sharm-sar men
rote mujhe jo dekha to kuchh aur khinch ga.e
ulTa fusun tha girya-e-be-iḳhtiyar men
hasrat ke ansuon men tamanna ka ḳhuun hai
paani men aag hai ki hai shabnam sharar men
parvana said-e-nur to bulbul asir-e-rang
kis ki ada sama ga.i gul men sharar men
Leave a Reply