Sufi
dil gham-e-ishq ke iz.har se katrata hai
aah gham-khvar ki gham-khvar se katrata hai
ye samajh kar ke jafaon men maza paata hai
vo sitamgar mire azar se katrata hai
ho gaya us pe bhi kuchh us ki shikayat ka asar
ab masiha bhi jo bimar se katrata hai
ho raha hai mujhe takmil-e-mohabbat ka guman
ishq ab husn ke didar se katrata hai
dil-e-parvarda-e-gham khushiyon se yuun jaata hai
‘soz’ ik baal juun aghyar se katrata hai
Leave a Reply