noshi-gilani

Tujhse Ab Aur Mohabbat Nahin Ki Ja Sakti

tujh se ab aur mohabbat nahin ki ja sakti

khud ko itni bhi aziyyat nahin di ja sakti

jante hain ki yaqin tuut raha hai dil par

phir bhi ab tark ye vahshat nahin ki ja sakti

habs ka shahr hai aur us men kisi bhi surat

saans lene ki sahulat nahin di ja sakti

raushni ke liye darvaza khula rakhna hai

shab se ab koi ijazat nahin li ja sakti

ishq ne hijr ka azar to de rakkha hai

is se badh kar to riayat nahin di ja sakti

More Poems

Leave a Comment