dil-e-muztar ko samjhaya bahut hai
hua tanha to ghabraya bahut hai
mubarak ho tujhe ye qasr-e-rangin
mujhe divar ka saaya bahut hai
mire dil ka ye aalam bhi ajab hai
ki jis par aa gaya aaya bahut hai
tire is phuul se chehre ne ab ke
mire zaḳhmon ko mahkaya bahut hai
tire va.adon men shayad kuchh kami hai
ufuq par chand gahnaya bahut hai
ye daulat le ke ‘anvar’ kya karunga
tiri yadon ka sarmaya bahut hai
Leave a Reply