kaThin hone ko hai jo shauq ka har marhala sahab
zara sochen ki lahaq kya hai ham ko ariza sahab
kisi bhi jhuuT par chup sadhna mera hua mushkil
yahi mushkil hai meri aur mera mas.ala sahab
suna.un qissa kya main hazrat-e-insan ka pal men
bahut sadiyon ka hai aur hai qadimi vaqi.a sahab
mera matlab unhi se jo havas ke bas pujari hain
nahin un se hamara duur ka bhi vasta sahab
kisi manzil kisi raste pe koi dosh hi kab hai
hai luuTa rahbaron ne bas hamara qafila sahab
Leave a Reply