Dil Dhundhti Hai Nigah Kisi Ki

dil DhunDhti hai nigah kisi ki

aine ki hai na aarsi ki

malik mire main ne mai-kashi ki

lekin ye khata kabhi kabhi ki

kya shakl hai vasl men kisi ki

tasvir hain apni bebasi ki

khul jaae saba ki pak-bazi

bu phute jo baagh men kali ki

kam-bakht kabhi na khush hua tu

ai gham tiri har tarah khushi ki

munh ham ne hansi hansi men chuma

jo ho gai baat thi hansi ki

taana sa tana hai mai-kade men

pagdi uchhli hai shaikh-ji ki

ham ko jo diya to aur ka dil

dil le ke ye achchhi dil-lagi ki

yuun bhi to chala na kaam apna

dushman se bhi ham ne dosti ki

paae gae jis men dil ke ajza

hogi vo khaak usi gali ki

aisi hai ki pi sakega vaaiz

hai taaza kashid aaj hi ki

mai khuld men hogi surat-e-hur

maikhane men mushkil hai pari ki

ghar hai na kahin nishan lahad ka

mitti hai kharab be-kasi ki

sach ye hai ki zindagi ho ya maut

har chiiz buri hai muflisi ki

achchhi hai gark se talkh mai se

milti rahe rose rukhi-phiki

kuchh kuchh hai ‘riyaz’ ‘mir’ ka rang

kuchh shaan hai ham men ‘mushafi’ ki

Leave a Comment