Akbar Hyderabadi
dil daba jaata hai kitna aaj gham ke baar se
kaisi tanhai Tapakti hai dar o divar se
manzil-e-iqrar apni aḳhiri manzil hai ab
ham ki aae hain guzar kar jada-e-inkar se
tarjuman tha aks apne chehra-e-gum-gashta ka
ik sada aati rahi aina-e-asrar se
maand paḌte ja rahe the ḳhvab-tasviron ke rang
raat utarti ja rahi thi dard ki divar se
main bhi ‘akbar’ karb-agin janta huun ziist ko
munsalik hai fikr meri fikr-e-schopenhauer se
Leave a Reply