Poet
dil agar dil hai to har haal men rusva hoga
jab gham-e-ishq na hoga gham-e-duniya hoga
aql Darti hai ma.al-e-gham-e-dil kya hoga
ishq kahta hai ki har haal men jiina hoga
luT gaya ishq ki nazron ka vo saman-e-shakeb
ab tira husn jahan bhi ho tamasha hoga
saz-e-dil tishna-e-mizrab hai mayus na ho
ek din naghma-e-ummid bhi paida hoga
shab-e-gham aah ye andoh ye uljhan ye taḌap
sochta huun ki ma.al-e-shab-e-gham kya hoga
dil hai aur talḳhi-e-gham haath hain aur saghar-e-mai
kya ḳhabar thi hamen ye zahr bhi piina hoga
vo dila.en to jafaon ke tasalsul ka yaqin
is se baḌh kar koi in.am-e-vafa kya hoga
aane vaali hai mohabbat ki vo manzil ‘shahid’
jab hamen yaas pe ummid ka dhoka hoga
Leave a Reply