Poet
dikhlae khuda us sitam-ijad ki surat
istada hain ham baagh men shamshad ki surat
yaad aati hai bulbul pe jo bedad ki surat
ro deta huun main dekh ke sayyad ki surat
azad tire ai gul-e-tar bagh-e-jahan men
be-jah-o-hasham shaad hain shamshad ki surat
jo gesu-e-janan men phansa phir na chhuta vo
hain qaid men phir khuub hai miad ki surat
khinchenge mire aina-rukhsar ki tasvir
dekhe to koi mani-o-bahzad ki surat
gaali ke siva haath bhi chalta hai ab un ka
har roz nai hoti hai bedad ki surat
kis tarah ‘amanat’ na rahun gham se main dil-gir
ankhon men phira karti hai ustad ki surat
Leave a Reply