Rifat Sarosh
dibacha-e-kitab-e-vafa hai tamam umr
ik lamha-e-shu.ur-e-fana hai tamam umr
mahrumiyon ne saath diya hai tamam umr
ik dard hai ki dil men raha hai tamam umr
kyuun mere lab pe aa.i gham-e-agahi ki baat
gustaḳhi-e-ḳhirad ki saza hai tamam umr
yad-e-ḳhuda men ji na laga hai ye aur baat
ḳhauf-e-ḳhuda to dil men raha hai tamam umr
aa ḳhalvat-e-‘sarosh’ men ai marg-e-na-gahan
tera hi intizar kiya hai tamam umr
Leave a Reply