Dhyan Mein Kaun Darinda Hai Jo Bedar Hua

dhyān meñ kaun darinda hai jo bedār huā

maiñ kisī bū kī jalan pā ke ḳhabar-dār huā

baaġh kī samt se aatī hai havā sahmī huī

kaun is habs ke mausam meñ sadākār huā

us jazīre kī taraf soch-samajh kar jaanā

jo tire mauj meñ aane se numūdār huā

tum ko lagtā hai ki āsān hai duniyā-dārī

kār-e-duniyā meñ paTā huuñ to vafādār huā

is badan par bhī mirā kaam dikhā.ī degā

aur vo kaam ki jaise koī shahkār huā

us ne har soch kī zambīl ulaT kar rakh dī

aur maiñ ḳhvāb dikhāne kā sazā-vār huā

Leave a Comment