Poet
dhuup nikli kabhi badal se Dhaki rahti hai
raat din apni hi a.ankhon men jagi rahti hai
dekhte ja.iye milne ka ye andaz bhi ek
honT pe thoḌi muravvat ki hansi rahti hai
kya samundar ko bhi ḳhatra hai ki is men koi
kulbulati hui bechain nadi rahti hai
ik nazar dekhti ja.engi hamari anhken
band dil men koi khiḌki bhi khuli rahti hai
saaf jazbon ke havale se to gham hain lekin
ek lamhe ki ḳhushi ek sadi rahti hai
dekh lete hain andhere men bhi rasta apna
sham.a ehsas ke manind jali rahti hai
Leave a Reply