yak raat main gaya tha rindan ke anjuman men
bole ki ai havai yu nukta ruk tu man men
vahdat ke mulk miyane niin ghair ko thakana
ain-e-khuda samajh tu jo hai is anjuman men
kya saqi-o-mughanni kya jaam kya surahi
ghair-e-khuda nako kah gar hai sharab dan men
kya laala kya yu sausan kya nargis-o-saman kya
hai uucha fil-haqiqat gul hai agar chaman men
u nukta kar yaqin main har chiiz ko jo dekhya
begana kiin disya niin bin dost chaukdan men
bin zaat haq disya niin yak zaat do jahan men
bin ism haq sunya niin yak bol yak dahan men
ghaflat kuun nen hai jaaga kaan suun achhegi ghaflat
zakir tamam aalim hai maarifat ke fan men
hai ishq uu khuda ka gar ishq hai javan men
hai husn uu usi ka gar husn hai mahan men
ai mahram-e-khudai yak zarra ghaur kar dek
nukte bhare hain ne ke ‘qurbi’ ke har sukhan men
Leave a Reply