Parveen Kaif
dhuup khiḌki se sirhane aa.i
chand ḳhvabon ke bujhane aa.i
haa.e vo phuul se hanste chehre
yaad phir un ki rulane aa.i
dil charaghon ke abhi larzan hain
phir hava hosh uḌane aa.i
dil sulagta tha shab-e-gham yunhi
chandni aur jalane aa.i
uTh hui sub.h-e-azan ki avaz
niind se mujh ko jagane aa.i
oḌh li tu ne barahna tahzib
sharm tujh ko na zamane aa.i
aur ‘parvin’ se hujjat kiije
aap ki aql Thikane aa.i
Leave a Reply