hamari aankh men naqsha ye kis makan ka hai
yahan ka saara ilaqa to asman ka hai
hamen nikalna pada raat ke jazire se
khatar agarche is ik faisle men jaan ka hai
khabar nahin hai ki dariya men kashti-e-jan hai
muahida jo havaon se badban ka hai
tamam shahr par khamoshiyan musallat hain
labon ko kholo ki ye vaqt imtihan ka hai
kaha hai us ne to guzrega jism se ho kar
yaqin yuun hai vo pakka bahut zaban ka hai
Leave a Reply