Ghayas Mateen
dhuup ka ehsas jaane kyuun use hota nahin
vaqt avara hai ThanDi chhanv men hota nahin
jhuuT ki divar se laTke hue jismon ke din
ho ga.e puure ki sach to shab men bhi sota nahin
ham taka karte hain khiḌki se utarte chand ko
dauḌ kar us ko pakaḌ len ye kabhi hota nahin
dil ajab patthar hai paani se pighal jaa.e kahin
aur kabhi jo aag men rakh dijiye rota nahin
raushni phuTe qalam ke aankh se kyuun kar ‘matin’
ansuon ke biij dil men jab koi bota nahin
Leave a Reply