Zafar Gorakhpuri
dhuup hai kya aur saaya kya hai ab ma.alum hua
ye sab khel tamasha kya hai ab ma.alum hua
hanste phuul ka chehra dekhun aur bhar aa.e aankh
apne saath ye qissa kya hai ab ma.alum hua
ham barson ke ba.ad bhi us ko ab tak bhuul na paa.e
dil se us ka rishta kya hai ab ma.alum hua
sahra sahra pyase bhaTke saari umr jale
badal ka ik TukḌa kya hai ab malum hua
Leave a Reply