Atif Tauqeer
dhuup girne lagi badan bhar par
chhanv rakh de koi mire sar par
baukhla se ga.e dar-o-divar
ek dastak hui kisi dar par
ek be-kar ki zarurat thi
muskurati rahi muqaddar par
raat takiye pe buund buund giri
kaa.i jamne lagi hai bistar par
saara din mustaqil tanav tha
ab hansi aa rahi hai daftar par
ghar pe rahta tha ek saya-e-gham
aur vo rahta raha mire ghar par
bad-guman ho gaya huun bahar se
huun main naraz apne andar par
siḌhiyan ban rahi hain sab lahren
chand utrega kya samundar par
Leave a Reply