Hastimal Hasti
DhunDa hai har jagah pa kahin par nahin mila
gham se to gahra koi samundar nahin mila
ye tajraba hua hai mohabbat ki raah men
kho kar mila jo ham ko vo pa kar nahin mila
dahliz apni chhoḌ di jis ne bhi ek baar
divar-o-dar hi us ko mile ghar nahin mila
saari chamak hamare pasine ki hai janab
virse men ham ko koi bhi zevar nahin mila
ghar se hamari ankh-micholi rahi sada
angan nahin mila to kabhi dar nahin mila
Leave a Reply