Parkash Fikri
kahan kahan se guzar raha huun
main andhiyon men bikhar raha huun
kisi bhi surat na chain pa.un
ye kis tajassus men mar raha huun
main surḳhiyon men kahan se hota
main hashiye ki ḳhabar raha huun
sabhon ko jaana hai paar lekin
main paar jaane se Dar raha huun
na meri manzil na koi jaada
azal se gard-e-safar raha huun
mujhe to marna tha gham men ‘fikri’
main gham men jal kar nikhar raha huun
Leave a Reply