Poet
dhund ka ankhon par hoga parda ik din
ho ja.enge ham sab be-chehra ik din
jis muTThi men phuul hai us ko band rakho
khil kar ye jugnu ban ja.ega ik din
ankhen mal mal kar dekhenge ḳhvab hai kya
aise rang dikha.egi duniya ik din
chand-sitare kahin Dubo.e ja.enge
ḳhushbu par lag ja.ega pahra ik din
ho ja.enge ḳhatm ḳhazane ashkon ke
yuun niklega apna divala ik din
us ke paas uga do koi aur daraḳht
peḌ ye ho ja.ega hariyala ik din
Leave a Reply