Jamal Owaisi
jaane kaise log the yaad aa.e kam jaane ke ba.ad
aib saare khul ga.e marhum kahlane ke ba.ad
chand ka haala miri ankhon ka jaala ban gaya
kuchh nazar aaya na phir tere nazar aane ke ba.ad
adamiyat ke sabhi paimane ho jaate hain paash
bhuuk aisi jagti hai peT bhar jaane ke ba.ad
us ne ik ik lafz ka paisa kiya mujh se vasul
kal ki shab milad men taqrir farmane ke ba.ad
main ne ta-hadd-e-nazar dekha koi monis na tha
dopahar ke vaqt barqi-mauj lahrane ke ba.ad
Leave a Reply