Khul Gaya Na Ho Kisi Aur Taraf Bab Mera

khul gayā na ho kisī aur taraf baab mirā

kahīñ āvāra-e-ġhurbat hī na ho ḳhvāb mirā

ḳhitta-e-ḳhāk meñ kuchh ḳhaak pe tohmat merī

sar-e-aflāk koī ḳhema-e-māhtāb mirā

dil-e-āvāra kahīñ chashm kahīñ ḳhvāb kahīñ

kaisā bikhrā dar-e-āfāq pe asbāb mirā

ḳhvāhish-e-jāñ bhī laraz jaatī hai har ashk ke saath

merī miTTī ko bhī le jaa.e na sailāb mirā

dil kahāñ aur kahāñ shorish-e-paiham dil kī

kis tamannā meñ ravāñ hai tan-e-betāb mirā

Leave a Comment