Mohammad Khalid
khul gaya na ho kisi aur taraf baab mira
kahin avara-e-ghurbat hi na ho ḳhvab mira
ḳhitta-e-ḳhak men kuchh ḳhaak pe tohmat meri
sar-e-aflak koi ḳhema-e-mahtab mira
dil-e-avara kahin chashm kahin ḳhvab kahin
kaisa bikhra dar-e-afaq pe asbab mira
ḳhvahish-e-jan bhi laraz jaati hai har ashk ke saath
meri miTTi ko bhi le jaa.e na sailab mira
dil kahan aur kahan shorish-e-paiham dil ki
kis tamanna men ravan hai tan-e-betab mira
Leave a Reply