Altaf Hussain Hali
dhuum thi apni parsa.i ki
ki bhi aur kis se ashna.i ki
kyuun baḌhate ho iḳhtilat bahut
ham ko taqat nahin juda.i ki
munh kahan tak chhupaoge ham se
tum ko aadat hai ḳhud-numa.i ki
laag men hain lagao ki baten
sulh men chheḌ hai laḌa.i ki
milte ghairon se ho milo lekin
ham se baten karo safa.i ki
dil raha pa-e-band-e-ulfat-e-dam
thi abas aarzu riha.i ki
dil bhi pahlu men ho to yaan kis se
rakhiye ummid dilruba.i ki
shahr o dariya se baagh o sahra se
bu nahin aati ashna.i ki
na mila koi gharat-e-iman
rah ga.i sharm parsa.i ki
baḳht-e-ham-dastani-e-shaida
tu ne aḳhir ko na-rasa.i ki
sohbat-e-gah-gahi-e-rashki
tu ne bhi ham se bevafa.i ki
maut ki tarah jis se Darte the
saa.at aa pahunchi us juda.i ki
zinda phirne ki hai havas ‘hali’
intiha hai ye be-haya.i ki
Leave a Reply