Dhoke Ne Mujhko Ishq Mein Kya Kya Sikha Diya

dhoke ne mujh ko ishq meñ kyā kyā sikhā diyā

girnā sikhā diyā hai sambhalnā sikhā diyā

rotī thiiñ zār-zār ye va.ade ne aap ke

āñkhoñ ko intizār bhī karnā sikhā diyā

sūraj kī tez dhuup baḌā kaam kar ga.ī

ḳhvāboñ ke dā.ere se nikalnā sikhā diyā

apnoñ kī Thokaroñ ne girāyā thā bārhā

ġhairoñ ne sīdhī raah pe chalnā sikhā diyā

‘santosh’ kā kiyā maiñ karūñ shukr kis tarah

mujh ko bhī dostī kā salīqa sikhā diyā

Leave a Comment