Poet
deta nahin dil le ke vo maghrur kisi ka
sach hai ki na zalim se chale zor kisi ka
araish-e-husn aina-rukh karte ho har dam
lena hai magar dam tumhen manzur kisi ka
be-vajah nahin tabish-e-arbab-e-safa ko
hai jalva-gar is aine men nuur kisi ka
aata hai nazar yaan jo har aivan-e-shikasta
yak vaqt men tha khana-e-maamur kisi ka
vo shokh pari rashk-ba-kaf tegh-e-siyah-mast
aata hai kiye shisha-e-dil chuur kisi ka
rokun main ab us ko sar-e-rahe kabhi aa ke
itna to main rakhkhun nahin maqdur kisi ka
‘bedar’ mujhe yaad usi ki hai shab-o-roz
ne baat kisi ki hai ne mazkur kisi ka
Leave a Reply