Ji Mein Aata Hai Ki Ek Roz Ye Manzar Dekhen

jī meñ aatā hai ki ik roz ye manzar dekheñ

sāmne tujh ko biThā.eñ tujhe shab-bhar dekheñ

band hai shaam se hī shahr kā har darvāza

aa shab-e-hijr ki ab aur koī ghar dekheñ

aise ham dekhte haiñ dil ke ujaḌne kā samāñ

jis tarah dāsiyāñ jaltā huā mandar dekheñ

mere jañgal meñ hī mañgal kā samāñ hai paidā

shahr ke log mire gaañv meñ aa kar dekheñ

Leave a Comment