Poet
deta hai koi dil pe lagatar dastaken
bechain kar rahi hain mujhe yaar dastaken
vo dar khule khule na khule is se kya gharaz
ham de rahe hain denge lagatar dastaken
koi bhi dar mile to lapakta huun us ki samt
aisi bandhi hain hathon se is baar dastaken
ham muflison tak is ke siva kya pahunch saka
do-char das sada.en hain do-char dastaken
ab kul mila ke ye hi asasa hai mere paas
tanha.i ek chhat dar-o-divar dastaken
mujh jaise ḳhaak chhanne valon pe jabr hain
tanha.iyon men aisi pur-asrar dastaken
Leave a Reply