Poet
dekhta rahta huun aksar sham-e-qudrat dekh kar
ḳhub-surat dekhta huun ḳhub-surat dekh kar
meri niyyat dekh kar meri tabi.at dekh kar
ruk gaya rang-e-majaz apni haqiqat dekh kar
naz-bardari ki ujrat koi Thahrata nahin
dene vaale de diya karte hain mehnat dekh kar
naaz bhi tum ko mila andaz bhi tum ko mile
kya buto allah bhi deta hai surat dekh kar
shadmani dekhne vaalo hamen bhi dekh lo
ḳhush hue the ham bhi saman-e-masarrat dekh kar
khelne ko jaan par kaafi hai jism-e-zar bhi
tum mujhe kya dekhte ho meri himmat dekh kar
kis ki bu pa kar chaman men chaar din Thahri bahar
ram ga.i phulon men bu kis ki shabahat dekh kar
kuchh nahin achchha to duniya men bura bhi kuchh nahin
kijiye sab kuchh magar apni zarurat dekh kar
Leave a Reply