Dekho Kabhi Tum Us Ka Bhi Aana Mere Aage

dekho kabhī tum us kā bhī aanā mire aage

jis kā na chale koī bahāna mire aage

raste meñ use duuñ ki nahīñ duuñ ye batāo

sūraj mire pīchhe hai zamāna mire aage

vo shaḳhs jise qais batāte haiñ sabhī log

ab vaqt nahīñ phir kabhī laanā mire aage

achchhā ye sitam mujh ko charāġhoñ kā lagā hai

har shaam tirā aks sajānā mire aage

laatā hai mujhe khīñch ke sahrā bhī shab-o-roz

vahshat bhī pirotī hai fasāna mire aage

Leave a Comment