Poet
jab shaam baḌhi raat ka chaqu nikal aaya
is biich tiri yaad ka pahlu nikal aaya
vo shaḳhs ki miTTi ka tha jab haath lagaya
chehra nikal aaya kabhi baazu nikal aaya
kuchh roz to do jism aur ik jaan rahe ham
phir silsila-e-harf-e-man-o-tu nikal aaya
dekha ki hai bazar yahan naf-o-zarar ka
vo tiir ki tha dil men tarazu nikal aaya
tha band charagh-e-ghazal ik ghaar men pahle
manjha hai ‘suhail’ us ko to jaadu nikal aaya
Leave a Reply