dekhne valon ne kuchh dekha bhi hai
chashm-e-nargis dida-e-bina bhi hai
in dinon aalam hai kuchh dil ka ajab
hashr bhi barpa hai sannaTa bhi hai
ik hujum-e-dostan hai aur main
dahr men mujh sa koi tanha bhi hai
har taraf ta.amir divaren huiin
sochta ye huun kahin saaya bhi hai
kyuun na ho fikr-o-ḳhayal-e-tishnagan
band mujh men pyaas ka dariya bhi hai
bhuul ja.ega zamana kya hamen
ham ne jo dekha hai vo likkha bhi hai
vo bhi ‘nashtar’ ho ga.e hain ajnabi
vo ki jin se dard ka rishta bhi hai
Leave a Reply