Tak Raha Hai Tu Aasman Mein Kya

tak rahā hai tū āsmān meñ kyā

hai abhī tak kisī uḌaan meñ kyā

vo jo ik tujh ko jaañ se pyārā thā

ab bhī aatā hai tere dhyān meñ kyā

kyā nahīñ hogī phir mirī takmī

koī tujh sā nahīñ jahān meñ kyā

ham to terī kahānī likh aa.e

tū ne likkhā hai imtihān meñ kyā

ho hī jaate haiñ jab judā donoñ

phir ta.alluq hai jism-o-jān meñ kyā

ham qafas meñ haiñ uḌne vaale batā

hai vahī lutf āsmān meñ kyā

paḌh rahe ho jo itnī ġhaur se tum

kuchh nayā-pan hai dāstān meñ kyā

urdu vaale kamāl dikhte haiñ

koī jaadū hai is zabān meñ kyā

Leave a Comment