tak raha hai tu asman men kya
hai abhi tak kisi uḌaan men kya
vo jo ik tujh ko jaan se pyara tha
ab bhi aata hai tere dhyan men kya
kya nahin hogi phir miri takmi
koi tujh sa nahin jahan men kya
ham to teri kahani likh aa.e
tu ne likkha hai imtihan men kya
ho hi jaate hain jab juda donon
phir ta.alluq hai jism-o-jan men kya
ham qafas men hain uḌne vaale bata
hai vahi lutf asman men kya
paḌh rahe ho jo itni ghaur se tum
kuchh naya-pan hai dastan men kya
urdu vaale kamal dikhte hain
koi jaadu hai is zaban men kya
Leave a Reply